مہر خبررساں ایجنسی کی رپورٹ کے مطابق، ایران میں گذشتہ دنوں مہنگائی کے خلاف احتجاجی مظاہروں کو شرپسند عناصر نے تشدد کا رخ دیا اور تہران سمیت مختلف شہروں میں عوامی اور سرکاری املاک کو نقصان پہنچانے کے ساتھ سیکورٹی اہلکاروں اور بے گناہ شہریوں کو شہید کردیا۔
شرپسندوں کی تخریبی کارروائیوں کے بعد عوام نے غم و غصّے کا اظہار کرتے ہوئے متعدد شہروں میں چھوٹے پیمانے پر احتجاجی مظاہرے کئے۔ اسی سلسلے میں آج پیر کے روز ملک بھر میں احتجاجی ریلیوں کا اعلان کیا گیا ہے۔ مرکزی ریلی تہران کے آزادی اسکوائر سے نکالی جائے گی۔
رہبر معظم سمیت ایرانی پرتشدد واقعات کی سخت مذمت کرتے ہوئے امریکہ اور اسرائیل اور ان کے ایجنٹوں کو ملوث قرار دیا ہے۔
ایرانی عدلیہ کے سربراہ حجت الاسلام محسن اژہ ای نے کہا ہے کہ شرپسند عناصر کسی رعایت کے مستحق نہیں لہذا گرفتار ملزمان کے خلاف فوری عدالتی کارروائی شروع کرکے قرار واقعی سزا دی جائے۔
آپ کا تبصرہ